Het is zoaterdig 14 juni en ut is tied dat ver beginne mit os kloar maken veur de broonk van Mheer. Alle tuinen zeunt al gedoan de stroate zeunt zuuver en ging onkroed mie op de sjtoep. Tied veur dan noe oag de veurberijdingen te treffen de beug opzitte en de vlaggen te laote wapperen bie de kirk en de pastorie. oag op ut kesjteel mot alles sjun verseerd were en un altaar were opgezat. Dan is ut tied um te beginne mit de uurste kamers te laaije. Ut leem wurdt gezeeft en de huudjes vuer tusse ut kroet en ut leem gevouwe. Hienao kin ut kloppe beginne mit hel slaeg werre ze stuk veur stuk gelaaije. Nao dat al de kamers gelaaid zeunt is ut tied um nao de kastanjelaan te goan en de broonk in te scheten. Mit zen alle zit ver ze kloar en mit inge kier aansteken hie ver genog de broonk waor goot begonne. De luuije koeste nog effe nao geneten bie der café en veer moeste de kamers wer laaije veur der zondig.
Zondig meurige tied veur de reveille al vreug op um 5 oar veur edereen wakker te maken. Helaas door ut sjlechte wear get later dan normaal toch lukte ut os um precies um 5 de uurste kamers te sjete. Helaas koes ver vanwege ut wear neet vaak sjete. Ondanks dat lukte het os waal um edereen wakker te maken. Noe woar ut tied veur de luuij um de stroate te seere mit de sjoen geplukte blomme en varens. Oag moeste de luuij die mit leepe zig kloar maken. Get eten en dan in pak nao de kirk um mit te goan in de procesie. Ut bestuur van ut jonkheid zurgt dat edereen in gooie volgorde steet en in juiste volgorde.
De procesie kin beginnen mit de sjuterie veurop en de hermonie van achtere. Dit jaor trok ver door onger in Mhear en nao alle sjtops kweem ver op de eind locatie ut kasjtiel. hie deeg der kapeloan de mis mit ut prachtige gezang van ut koer op de actergrond. Oag werd er als afsluiting nog get gespeuld deur de harmonie die mit hun klanke edereen wer betoverde. Hienoa woar ut tied um nao de kirk in te trikke doa nog un klien slot woord en wer een prachtige slot melodie van de harmonie. Hienoa waor er op der plien nog vanaal te beleven. Er woare atracties geregeld zoe es botsauto’s, eendjesvisse en nog mier. oag woar ur optriejes geregeld veur der ganse middig. Oag koes se een sjtrikske komen hoale bie ut jonkheid mit enne kliene tractatie.
Zoe ging der uurste daag um en kweem der moandig alwer. Ver begoeste al vreug um 8 oar werden de kamers alwer gelaaid en doarnao effe opfrisse en wer door. Want um 10 oar woar alwer de heilige mis dee der pesjtoer effe woar vergeten dus get later begon. hienoa ging ver mit de schuterij ut kirkhof op um alle doden durpsgenoten te eren en te herdenken. zoe werd er un minuut stilte gehouden en kamers gesjoten. Hienoa marscheerde ver wer van ut kirkhof aaf en ging ver nao café Quanten. Hie koes nog een strikske gehoald were bie ut jonkheid en op de trom betaald were bie de sjutterie.
Hienao koes ut rundje door ut durp beginne ver starte bie café Quanten vanoet doa marcheerde ver nao ut kesjtiel. Hie kreeg ver un sjoen toespraak van der baron en doanao koes ver geneten van un lekker gleske beer in der sjoene kesjtiel tuin. Oag de harmonie deeg nog un sjoen sjtukske sjpeule. Hienao woar ut wer tied um wier te goan nao der café in onder in Mheer. Dao dronk edereen zich un gleske bear en zeun ver deur gegaon nao der kapitien Nandus Lemlijn. Dao waor ver welkom op der plien achter ut hoes ver dronke os un paar en gingen door nao der keuning um daornao wer te eindigen bie der café. Dao werd nog un feest geboewd en dan waor ut wer tied veur der deensdig.
Der deensdig begoes het pas in de aovend ver starte bie der café en gingen van dao oet van peulke nao peulke. Oe dat ver begoeste in boven in mhear mit leuke gedichten en bie edere paol unne fles. hienao trok ver door nao onger in mheer al rijent en speelend. Dao stinge oag wer alle peulkes recht. Ver deege nog get welskes dansen en toen waor het wer tied veur het slot feest bie café qaunten.
Het waor wer un sjoen broonk dit jaor en dit waor natuurlijk neet meugelijk geweest zonger de sponsors. Hieveur wil veer alle sponsors bedanken en oag alle luije die helpen um het feest te organiseren en te regelen.